一直期待天氣回暖，但仍然是凍到入心入肺! 即便如此，還是要抽時間洗衣服和洗化妝掃，將雙手放入冷水之中，有時洗衣服我會奢侈點用熱水，但洗掃就太浪費，煤氣費實在太貴了。
我是個懶人，盡可能都會將洗掃所需的時間縮到最短。最有效方法當然就是買少啲掃! 其次就是選用強效的cleanser!
過去我一直用MAC粉紅色樽裝洗掃水，由於我懶及只有幾支掃，一用都用左好幾年。但用水不能貫徹我懶的性格，因為始終都需要一個器皿，用手掌的話水又會在指間流走，造成浪費。
現在我正在用Beauty Blender 的Solid Cleanser，成舊"番鹼"咁。
其實我都冇Beauty Blender，但用來洗掃及粉撲又幾好。第一次留意到這個產品是聽Beauty Blogger Isa在blog介紹。她店內有售，但因為我太懶的關係，最後選擇了網購。其用法youtube上都有好多video介紹得好詳細，例如這個:-
基本上佢用黎洗乜都得。方法是將掃或撲在其表面擦兩擦，起泡後在手心打圈直到掃上所有剩餘物脫落就可過水洗走，需時不用一分鐘，慳水慳力。
其實一支dirty的掃在其表面擦過以後都幾嘔心...不過我不是太在乎衛生問題，總之at the end達到效果就ok! 我自己覺得too cool for school下面呢隻偽Beauty Blender粉撲真係幾難洗，但solid cleanser都做到野!
before
after
但唔知點解硬係都會剩少少，洗十次都唔會洗得甩。
其他掃我都好滿意，完全超出了我對清潔的要求。
雖然這舊野不算便宜，但幾耐用，因為每次只需要少少分量!
根據Isa 的blog，其店賣緊$158@，Beautybay上亦有Beauty Blender + Solid Cleanser的套裝賣，$372.3 (free shipping)， 有時會做特價，大家可以定期上去吸下毒。
-------------------------
後記:
這是我第一篇跟扮靚有關的blog，我絕對不是一個beauty guru，沒資格教人扮靚。主要是近年我中降頭，花了極多金錢時間在護膚品及化妝品之上，有時又會覺得購物慾無從發洩，快將走火入魔。希望藉此blog可以抒發一下個人感受，減輕病情，亦希望對毒海中云云眾生有參考價值!
